[mohab_]

اخوانى اعضاء المنتدى
هذا الباب اتمنا من الله ان يكون فاتحه خير علينا وان نرى من خلاله المكسب
وانقل لكم مداخلتى الاخيره فى باب لكح واخوه ايه اى سى





يأستاذ / مهاب
هل في سهم معين أقدر أشتريه النهاردة وللا أنتظر ؟؟


استاذ علاء اسف لتاخرى ولكن انا كنت بره النهارده طول النهار
اما بالنسبه لما حدث اليوم فهو متوقع نتيجه نهايه جلسه امس
ولكن انت بتسال عن سهم معين نشترى فيه
انا مش حاقولك تشترى ايه
بس انا حاقولك انا باعمل ايه وانت شوف لو عجبك اعمل زى
الى اخوانى الاعضاء كل واحد وليه اسلوبه فى التعامل مع الاسهم
انا بقى طريقتى قولتها قبل كده انا مليش دعوه باى سهم ومش بحب اى سهم انا بحب السهم اللى بيكسبنى واما اكسب منه اتابعه
لو كمل اسيبه واقول له باباى
اما لو ريح مانا عارفه وعارف شغله عامل ايه
طيب نرجع لموضعنا
انا شغال فى سهمين اتنين بس
الكابلات والقناه للتوكيلات
الكابلات بادخل بجزء لما يطلع ابيع ومعايا متساوى ولما ينزل اخد جزء واشوف كمل ابيع الجزء نزل اشترى بالجزء اللى انا بعته

,ونفس الحكايه فى القناه برضوا
بس تعالى نبص الكابلات عليها اشاعه انها حاتقسم
يعنى زى موضوع لكح بالظبط ممكن الكابلات ينفجر فى اى لحظه ويطير
المفروض اعمل ايه اركن جنبه لا طالما انا بكسب منه هو ده اللى يهمنى انما احلم اسسسسسسسسسسسسف
هو ده الفرق بين اللى عايز يطور نفسه ويجمد قلبه
طيب ممكن واحد يقولى افترض ان الكابلات نزل عليه الخبر وانت بعت وطار يبقى ازى الحال
طيب مايطير انا كسبت منه ياما والحمد لله اسيب غيرى يكسب وادور على سهم غيره
انما لو السهم معايا طبعا مش حافكر ابيع ولا سهم
بس المهم ماحلمش لان الاحلام بتطول وانا بصراحه معنديش صبر للاحلام
خصوصا انا عندى امثله حيه لناس مشتريين لكح من سنتين وهما لسه بيحلموا ان السهم حايعملها ويطير
وانا راى ان اللى كان بيحلم من سنتين لو كان اشتغل من الاول صح كان قيمه السهم دلوقت معاه ب25 جنيه على اقل تقدير ولكن الحلم
خلى السهم ب 1.5
انا ضد الاحلام البورصه ياخونا بتقول كده انت عايز تعمل قانون جديد للبورصه صدقنى الخاسر الوحيد هو انت
انا ماقلتش بيع اسهمك كلها وانزل اخدها انا باقول بيع جزء يعنى اتحرك مع السوق
اللى عايز يتقدم يشتغل صح اللى عايز يقف مكانه يدخل ينام ويحلم
اى واحد عايز اى نصائح فى اسلوب شغلى يتفضل يطلب
اللى معترض انا مقدما محترم رايه لانى فى الحالتين مش حاستفيد حاجه لو اشتغلت صح او اشتغلت بنفس الاسلوب من غير تطوير
يعنى انت الكسبان وانت الخسران
انا بقول طريقه ممكن تتعد لكن متجيش تقولى الطريقه دى غلط وانا طريقتى صح(اللى هو الوقوف بدون اى حركه فى السهم)
حاقولك انا اسف انا صح وانت غلط .......... ليه
علشان انا باتحرك وانت واقف وبتحلم
ازاى واحد بيحلم يعدل و يقول الحلم احسن
هاتوا اى واحد بيحلم واى واحد بيشتغل وقولولى مين صح ومين غلط
ممكن اللى بيشتغل بيغلط ...ايه المشكله مرات صح ومره غلط
انما اللى بيحلم بالذمه هو بيعمل حاجه صح ولا حتى غلط
انا مش مع الركنه جنب السهم علشان هو حايطير
وانا قلت قبل كده ان لو السهم ماطرش عقلى هو اللى حيطير وكمان الربح اللى كنت ممكن اعمله برضوا طار
ارجو المداخله والتعقيب ومازال فى الموضوع بقيه وشكرا

تم تعديل هذه المشاركة بواسطةmohab_: 03 December 2006 - 07:46 PM

[Shark]

http://www.alboursah.com/old_forum/images/smilies/icon_sa1.gif

مبروك الباب الجديد يامهاب باشا .
وبإذن الله نستفيد من سيادتك .
وهذة وردة تشكرات لك وللأخوة المشاركين .

http://www.agll06.ukgateway.net/ThankyouKDRtransp.gif

[هوبة]

الف مبروك علينا هذا الباب الجديد و ربنا يجعله باب الخير للجميع و يجازيك خير يا مهاب

[Shark]

السؤال الأول مهاب باشا
معي سيولة نتيجة خروجي من معظم اسهمي أمس .. بربح بسيط والحمد لله .
أعتقد في إنتظار نهاية موجة الهبوط حتي نهايتها .
ما رأيكم .
وإذا كان رأيكم هو عدم الانتظار والشراء باكر الخميس .. يكون هناك سؤال ثاني :
ما هي الأسهم التي ترشحها لي غداً ( وعلي مسئوليتي التامة ) .. مع الشكر .

[اشرف 74]

الاخ الفاضل مهاب

كلام جميل و كلام معقول مقدرش اقول حاجة عنة بس اية المشكلة لو حلمنا و اشتغلنا
يعني جزء من المحفظة احلام وجزء شغل لان الاحلام مهمة لانها لو اتحققت هتبقا ناقلة تانية خالص غير شغل التريدات لذلك انا بفضل ان يكون جزء احلام و جزء شغل لان لو بطلنا نحلم نموت

لك كل الحب و التقدير

[Shark]

mohab_, on Nov 29 2006, 07:15 PM, said:

حبيب قلبى اشرف انا لاالوم احد كل واحد فينا ينفذ اللى هو شايفه صح
وطبعا لازم نحلم ماهو انا لما اشترى القناه باحلم انها تكسبنى
بس حلم من الواقع مش حلم من الخيال
فهمتنى يااشرف يعنى عايز تنفذ صح احلم بس وانت مفتح مش انام واحلم
هو ده اعتراضى على حامل اى سهم
ان محدش يسيب السهم بتاعه بالسنين لان الحلم سيتحول الى وهم كبير
واظن انك معايا ان الوهم المبنى على الحلم ده بيدمر صاحبه
مش محتاج غير عزيمه جرب على الورق مش حاتخسر حاجه جرب فى اى سهم سيب سهمك زى ماهو شوف السهم اللى معاك لو اشتغلته صح حايعمل معاك ايه
انت عمرك شفت السوق بينزل والواحد بيكسب
جرب الطريقه دى وحاتشوف
بس اكرر على الورق انت معاك اسهم ايه قولىو نشوف حانشتغل معاها ازى
بالعقل مش بالصربعه
ياخونا اوعى حد يفتكر ان اللى اتهد فى سنه ممكن يتبنى فى يوم
لازم نتعلم نشتغل صح
انا وانت نعتبر ان راس المال اللى معنا دلوقت هو كل راس مالنا
طيب والخسائر
نردم عليها .. اوعى تبص وراك لحسن تقع واوعى تتسربع لحسن تتكعبل وبرضوا حاتقع
الشغل بالعقل هو ده اللى انا باطالب به

اخى 'Shark' المهم ايه الاسهم اللى خرجت منها علشان نشوف هى عامله ايه
وكمان لازم تعرف ان الواحد لازم يجمد قلبه
واحنا انشاء الله حانكون برضوا مع بعض اثناء الجلسه الصباحيه (داخل المقصوره)
علشان اى تعديل فى الخطط نقدر ننفذها على اجمل وجه
واى اداء فاق ال 7 % فهو اداء ممتاز
وهذا الاداء ياتى من جميع العمليات التى سنقوم بتنفذها
وفى نهايه الاسبوع نقيم الاداء ونشوف فين القصور علشان نتجنبها فى المرات القادمه

موهاب باشا
إجابة سؤال سيادتكم :
خرجت من هيرمس علي 41 وربع .. بربح 2 جنية في السهم .. ولن ادخل فية تاني ابداً لانة خنقني من عدة شهور .
وخرجت من اجريكول علي 17.25 بربح 25. في السهم .

ومعي الكويتية + لكح + آية أي سي + سيولة تعادل ثلثي المحفظة .
وشاكر تعبك معايا .

[egipto]

أخويا مهاب مارأيك فى المصرية للدواجن و AIC
مع أطيب التمنيات بالتوفيق دائما

[elshokystar]

أستاذ مهاب أنا ممن دخل البورصة مع الأتصالات يعني في أول شهر فبراير و تعبت من العز وهيرمس والعربية وطلعت من جزىءمنهم النهارده بس معايا الكابلات والشمس ايه رأيك أعمل ايه

[morgan morgan]

مثال من فضلك للتوضيح

معى 5000 لكح بسعر 1.70 جم يبقى ايه العمل باكر الخميس

[اشرف 74]

الاخ الفاضل مهاب

سوال كنت عايز اسالهولك في المشاركة السابقة لي و نسيت وليس من وراء السؤال اية نية سيئة و اللة لاني احترمك و اقدرك بس لمجرد المعرفة وعلى فكرة انا معايا السهمين

السؤال هو : اشمعنا الكابلات و القناة اللي انت مركز معاهم و بتضارب فيهم

ولك كل الاحترام و التقدير

[elshokystar]

الكابلات علي 11.5 والكمية 500

[elshokystar]

علي فكرة كلامك صح ولكني عرفته متأخر معايا الكابلات من شهر فبراير والكمية 500 والسعر 11.5

[Shark]

mohab_, on Nov 29 2006, 10:22 PM, said:

اخوانى انا اعتذر عن غلق باب لكح واخوه ايه اى سى ولو سمحتم لو فى حد فيكم يعرف يوصل لاتس ياريت يخليه يدخل فى هذا الباب علشان انا عارف هو دلوقت اكيد متضايق ونفسيته تعبانه نتيجه التطورات اللى حصلت بسرعه
وانا عن نفسى بحب والله اتس بس كلامه واللى قاله زعلنى
بس احنا كلنا معرضين نبقى فى الموقف بتاعه
واختلافنا فى الاتجهات مش معناها اننا مختلفين فى التفكير
كلنا عيزين المصلحه ولكل منا اسلوبه
رجاء محتاج اتس بيننا
والاخوان اللى يعرفوا يوصلوا لاتس ياريت يقوللوه احنا محتاجينك معانا لاننا اتعرفنا على بعض وحبينا بعض
ارى ان هذا الباب لن تكتمل فرحته الا بوجودك معنا ياتس
وانا عارف انك حمقى شويتين لكن قلب ابيض
وانا ياعم اسف للى حصل وياريت ننسى اللى حصل ولو عايز اى اعتذار فياعم حقك علينا كلنا
بس ياريت ماتنمش الا وانت مرضى

أضم صوتي لمهاب باشا
إرجع يا its
محتاجينك معانا يا its .

[Shark]

mohab_, on Nov 29 2006, 10:28 PM, said:

مش انا اللى حاكون موجود قدام الشاشه لا كلنا لازم نكون موجدين قدام الشاشه
وانا مشترك فى العربيه اون لاين وعندى كمان تحليلات العربيه اون لاين للى عايز تحليل عن سهم معين
يعنى ياخونا ابشروا فاالربح قادم باذن الله
بس محتاجين نتفائل
وزى ماقلنا مع نهايه كل اسبوع لازم كلنا نقيم اداء كل واحد فينا يعنى نعرف احنا عملنا ايه ومعملناش ايه وايه اللى كان لازم نعمله وماتعملش وايه اللى ماتعملش وكان لازم نعمله
من الاخر ننفذ الاول على الورق علشان محدش يشتغل وهو قلقان

واللي بيكون في الشغل الصبح يعمل أية ؟
هل من طريقة ؟